Njoftimi i Koresë së Veriut për të ndaluar testimet raketore dhe bërthamore është përshëndetur nga mbarë bota.

Udhëheqësi Kim Jong-un tha se testet e mëtejshme nuk ishin të nevojshme, pasi Veriu kishte treguar se kishte armë bërthamore, transmeton portali arbresh.info.

Donald Trump e përshkroi masën si “lajm i mirë” për botën, ndërsa Koreja e Jugut tha se ishte përparim kuptimplotë.

BE tha se ishte “pozitive”, por kërkoi denuklearizim të plotë.

Koreja e Veriut është duke u përgatitur për samitet historike me Korenë e Jugut dhe SHBA.

Kim Jong-un tha: “Prej 21 prillit, Koreja e Veriut do të ndalojë testet bërthamore dhe nisjet e raketave balistike ndërkontinentale”.

Njoftimi i papritur, transmetuar nga agjencia e lajmeve KCNA e vendit, tha gjithashtu se një vend testimi do të mbyllet./Arbresh.info/